VOV4.Jarai - Tŏ tui hơdôm hrơi jơnum lok 8 Jơnum min apăn bruă Khua pơ ala mơnuih ƀon sang dêh čar, hrơi anai (16/2), Jơnum min apăn bruă Khua pơ ala mơnuih ƀon sang dêh čar sem lăng črăn tơlơi pơtrun čih pơkra glăi tơlơi pơkă bruă mă mơng Jơnum min apăn bruă Khua pơ ala mơnuih ƀon sang dêh čar. Tơlơi pơkă bruă mă mơng Jơnum min apăn bruă Khua pơ ala mơnuih ƀon sang dêh čar hơmâo pơtrun mơng thun 2015  ră anai ƀuh lu tơlơi aka ƀu lăp djơ̆ hăng tơlơi sit nik. Bruă ba tơbiă tơlơi pơtrun čih pơkra glăi tơlơi pơkă bruă mă mơng Jơnum min apăn bruă Khua pơ ala mơnuih ƀon sang dêh čar lĕ akŏ phun kiăng kơ Jơnum min apăn bruă Khua pơ ala mơnuih ƀon sang dêh čar pơphun bruă jao, djơ̆ hăng tơlơi dưi, bruă mă jai hơđong, klă ƀiă dong. Laih dong, ngă klă tui tơlơi gơgrong mơng anom bruă amăng Ƀirô Khua pơ ala mơnuih ƀon sang dêh čar, pơgôp amăng bruă pơplih, hrưn đĭ klă dong, tŭ yua hloh amăng bruă mă mơng Ƀirô Khua pơ ala mơnuih ƀon sang dêh čar lăi hrŏm, hăng hơdôm anom bruă amăng Ƀirô Khua pơ ala mơnuih ƀon sang dêh čar hnun mơn.

Siu Đoan: Pơblang