Tơdơi kơ 30 thun tơdơi ngă mơak nao rai giăng mah dua bơnah hăng 25 thun pok pơhai ngă tui Hră pơkôl BTA, sĭ mơdrô dua bơnah hơmâo pơđĭ kyar kơtang hloh kơ rơnoh hăng boh tŭ yua, jing pran kơtang pơtrut bruă ngă bơwih ƀong huă, pơsir bruă mă laih anun kơtưn tơlơi pơtruh nao rai sĭ mơdrô plah wah dua bơnah bơwih ƀong huă hơmâo pơdjru nao rai lu biă mă.

Ră anai dêh čar Mi dong tal 11 amăng mrô dêh čar tuh pơ alin rai pơ Việt Nam hăng 1.500 kơčăo bruă hăng rơnoh prăk čih rơkâo tuh pơ alin 12 klai USD. Pơkơđai glăi, Việt Nam hơmâo 266 kơčăo bruă tuh pơ alin ƀơi dêh čar Mi hăng rơnoh prăk giăm 1,4 klai USD. Kơ bruă sĭ mơdrô thun 2025, rơnoh prăk hơmâo pơhrui glăi 140 klai USD, đĭ tui 300 wơ̆t pơkă hăng 30 thun hlâo kơ anai. Ƀơi mông jơnum, ƀing khua mua pơƀuh ƀô̆ mơta jơnum hơmâo pơčrong sai tong ten bruă ngă hrŏm hơdôm bơnah, pok pơhư prong tui bruă ngă pơkơjăp glăi atur kơ bruă sĭ mơdrô plah wah Việt Nam hăng Mi pơđĭ kyar hơđong, kơjăp laih anun hơmâo boh tŭ yua hrŏm amăng črăn tŏ tui dơ̆ng.