VOV4.Jarai - Hơdôm rơtuh čô khua mua jak iâu kiăng pơ ala brơi anom bruă pơtom hiăp, hơdôm khul grup jar kmar, hơdôm khul ngă giang mah hăng Việt Nam hơmâp nao jơnum hrŏm pơphun amăng mơmŏt lơ 11/10 ƀơi ƀirô grup pơtô pơjuăt, boh thâo phrâo hăng gru grua mơng Sang gum hơbit djop dêh čar UNESCO ƀrô tal hơdor glăi 35 thun hrơi UNESCO hơmâo tơlơi pơtrun hơdor glăi 100 thun hrơi tơkeng Khua mir sir Hồ Chính Minh, mơnuih sông kơtang djru pơklaih rơngai lŏn ia hăng mơnuih rơgơi kơhnâo mơng Việt Nam.

Yă Lê Thị Thu Hằng - Pô djru bruă Khua ding jum pơtom hiăp đĭ pơhiăp amăng mông jơnum

Hrơi pơphun hăng anăn “Khua mir sir Hồ Chí Minh: mơnuih rơgơi kơhnâo djru pơhlôm rơnuk rơnua hăng tơlơi hơdip hiam klă” yua Sang anih jưh pơ ala dêh čar Việt Nam ƀơi Prang, khua mua Việt Nam hrŏm hăng UNESCO pơphun kiăng hơdor glăi 35 thun Tơlơi pơsit hơmâo UNESCO tŭ yap amăng jơnum tal 24 pơphun mơng lơ 20/10 truh lơ 20/11/1987.

VOV/Siu Đoan: Pơblang