Khua dêh čar ăt amra mut hrŏm Jơnum khua mua kơ hơdră ngă hrŏm bơwih ƀong huă Ayeyawady-Chao Pharaya-Mekong tal 10, Jơnum khua mua ngă hrŏm dêh čar Kur-Lao-Myanmar-Việt nam tal 11 hăng mă bruă ƀơi dêh čar Khač. Tal hyu mă bruă anai mơng Khua dêh čar ơi Phạm Minh Chính pơ dêh čar Khač čang rơmang kiăng pơthâo lu tơlơi yôm truh pơ kual ia krông, amăng kual hăng rŏng lŏn tơnah.

Tal hyu mă bruă kiăng tŏ tui bruă pơđĭ kyar hiam klă amăng tơlơi rô nao rai Việt Nam-Khač, tŏ tui ngă tui tơlơi pơmĭn hrŏm mơng khua mua dua bơnah amăng tal nao čuă sit nik pơ dêh čar Khač mơng Khua git gai Ping gah ơi Tô Lâm (blan 8/2024); tŏ tui pơlăi nao rai, pơbưp nao rai khua mua, pơtrut tơlơi rô nao rai Việt Nam-Khač, gưl gơnong glông hăng ƀon lan, pơđĭ kyar hơđong, hiam klă, kjăp phik.