VOV4.Jarai - Lơ 29/6/2022, ƀơi Praha hmâo pơphun amăng tal Jơnum lok 7 – Jơnum min pơlir hơbit Kơnuk kơna Việt Nam hăng dêh čar Czech kơ gum hrom bơwih ƀong. Grŭp dêh čar Việt Nam yua kơ ơi Đặng Hoàng An – Kơ-iăng Khua Ding jum sĭ mơdrô, gum hrom Khua Jơnum min pơplis Kơnuk kơna gah Việt Nam ngă Khua Grŭp hrom hăng ƀing ding kơna pơ ala kơ Anom bruă Kơnuk kơna, hơdôm Ding jum hăng anom bơwih ƀong Việt Nam.

Pơhiăp amăng mông mă bruă, Kơ-iăng Khua Ding jum Đặng Hoàng An brơi thâo tơlơi rô nao rai giăng mah hăng gum hrom mơng hlâo kơplah wah dua bôh dêh čar jai hrơi jai dưi hơkrŭ đĭ hăng pơđĭ kyar. Hluai tui hơdôm bôh tơhnal dưi ngă amăng hơdôm hrơi rơgao, dua bơnah lăi rơđah Tal jơnum lok 7 hmâo bôh yôm phăn kiăng ĕp jơlan pok pơhai hơdôm tơlơi pơkôl gum hrom amăng rơnuk phrâo, bơkơtuai hơdôm bruă kiăng pơplih phrâo amăng bruă gum hrom dua bơnah, anăp nao lĕ bơnah bơwih ƀong abih bang mơng tơdruă./.

Siu H’ Prăk: Pô pơblang