Mrô yŭ yap mơ̆ng 63 Khul pơplông mơ̆ng hơdôm boh tơring čar, ƀôn prong, mrô čơđai nao pơplông tơlơi hrăm Khoa học tự nhiên hơmâo rơbêh 99,7% pơhmu hăng mrô čơđai čih anăn pơplông laih anun čơđai nao pơplông tơlơi hrăm Khoa học xã hội hơmâo rơbêh 99,6% mrô čih anăn blung a. Ding jum pơtô hăng pơjuăt brơi thâo, tơlơi lăi pơthâo mơ̆ng hơdôm Khul wai lăng, hrơi pơplông Khoa học tự nhiên hăng Khoa học xã hội pơphun klă, djơ̆ tơlơi phiăn. Tơlơi pơsit blung a mơ̆ng ƀing čơđai, nai pơtô hăng mơnuih ƀôn sang lăi tơlơi pơplông Khoa học tự nhiên hăng Khoa học xã hội hơmâo amăng tơlơi pơtô hrăm gưl 3 laih, kiăo tui tơlơi hơmâo hrăm, ƀrô laih hăng ƀing čơđai.