Kơ-iăng Khua dêh čar ta rơkâo Hà Nội tañ pok pơhai bruă pơplih pơkra kual pơkă hrom plơi prong jưh jom. Amăng anun Pơkă kual khom đing nao pha ra truh anih anom gah rơgôp hăng anom mă yua gah rơgôp.

Tơhnal pơkă mơng kual pơkă lĕ pơđĭ kyar Hà Nội jing ƀôn prong rơnuk anai, hơdeč hmar, dui ba hăng pơjing jơlan lar hyu, pơlir hơbit kual plơi prong; jing anih phun, pran pơtrut pơđĭ kyar kual lŏn dăo ia krông Hồng, kual bơwih ƀong phun Kơdư dêh čar hăng đơ đam dêh čar. Hà Nội amra pơtrut pơđĭ kyar hơdôm plơi prong klă hiam, ƀôn prong dêh čar; wai lăng kơjăp pơđĭ kyar sang dô̆ dlông tal ƀơi kual krah; pok pơhai ha amăng plĕ hơdôm jơlan hơdră pơplih pơkra, pơdŏng glăi; pơđĭ kyar ƀơi anih gah rơgôp plơi prong; pơdŏng kual plơi pla djơ̆ hăng plơi prong; djă pioh gru grua bôh thâo phiăn juăt, pơgang anih anom dô̆ jum dar, pơjing tơlơi kơjăp phik./.