Kiăo tui anun, thun 2023 pơkrem prăk mă yua, ngăn rơnoh kơnuk kơna 83 rơbâo klai prăk. Khua Ding jum prăk kak dêh čar ơi Hồ Đức Phớc brơi thâo, thun 2023 pơhrui ngăn drăp Kơnuk kơna hmâo 1 rơbâo 754 klai prăk. Prăk mă yua ngăn drăp Kơnuk kơna him lăng hmâo 2 rơbâo 109 klai prăk, dưm dưm hăng 101,6% pơkă hlâo, đĭ giăm truh 74 rơbâo klai prăk. Abih bang pơkrem prăk mă yua, ngăn rơnoh kơnuk kơna sa thun lĕ 83 rơbâo klai prăk.
Bruă wai lăng blơi prăp kông ngăn ƀơi hơdôm ƀirô ding jum, gơnong bruă hăng tơring čar, ƀôn prong pơplih dong, pơhlôm, pơkrem. Thun 2023 Ding jum prăk kak pơsit phrâo jơlan dưm dăp glăi, pơsir hăng 379 bôh sang, lŏn mơ̆ng khul ding jum, ƀirô dêh čar. Thun 2024, Khua dêh čar hmâo mă yua laih Jơlan hơdră abih bang gah ngă tui pơkrem, pơgăn prai prăk khưi khai hăng 9 bruă jao phun hăng 5 ƀut bruă pơsir, rơkâo hơdôm ding jum, gơnong bruă, tơring čar, ƀôn prong čih pơkra kơčăo bruă ngă tui hơdôm tơhnal pơkă, rơnoh pơkrem amăng rim mơta bruă. Pel ĕp dong, ba tơbiă pơplih pơkra hơdôm tơlơi phiăn, hră pơ-ar pơkă tơlơi phiăn bơdjơ̆ nao ngă tui pơkrem, pơgăn prai prăk khưi khai pơhlôm ha amăng plĕ, pơlir hơbit glông bruă tơlơi phiăn, hơkrŭ pơsir tơlơi bơrơkua. Lơ 21/5, Khua pơ ala mơnuih ƀôn sang dêh čar bơkơtuai kơ hơdôm tơlơi phiăn jơlan nao rai ƀơi rŏng lŏn, juă nua kông ngăn hăng pel ĕp dong, pơsit bruă ruah mơnuih apăn bruă./.
Viết bình luận