Jơnum min bơwih ƀong Khua pơ ala mơnuih ƀôn sang dêh čar mă bruă hăng hơdôm bôh tơring čar, ƀôn prong: Khánh Hòa, Ninh Thuận, Bình Thuận, Đồng Nai hăng ƀôn prong Hồ Chí Minh. Amăng mông mă bruă, ƀing khua pơ ala tŭ ư hrŏm prong bruă pok pơhai Rơwang bruă yua prăk pơkra jơlan rơdêh treng đuăi hmar Kơdư – Dơnung dêh čar, djru kơtưn tô nao rai kual, anih anom.

Rơwang bruă jơlan rơdêh treng đuăi hmar Kơdư – Dơnung dêh čar hmâo abih bang rơwang ataih 1.540km; găn 20 bôh tơring čar, ƀôn prong. Rơwang bruă pơkra phrâo jơlan rơdêh treng 2 ară jơlan, rơnoh đuăi tui hơdră dăp 350 km sa mông. Ƀơƀiă ñu tơlơi kiăng mă yua lŏn rơbêh kơ 10.800 ektar, abih bang rơnoh prăk mă yua năng ai ñu 1,7 klăk klai prăk. Pơkă hlâo, rơwang bruă amra dưi pơsit hơdră pơtrun tuh pơplai măng 4 blan tal 4 thun anai; pok phun pơkra amăng thun 2027; hrưn đĭ pơkra giong amăng thun 2035./.