Thượng tướng Lê Huy Vịnh pel ĕp kơ bruă pơhlôm gơnam măi mok djru brơi tơhan rơbat pơtrui ƀrô hrơi akŏ pơjing kơnuk kơna lơ 2/9
Thứ tư, 10:29, 27/08/2025
VOV/Siu Đoan Pơblang
VOV/Siu Đoan Pơblang
VOV.Jarai-Tlam lơ 26/8, thượng tướng Lê Huy Vịnh, kơ-iăng Khua ding jum ling tơhan, nao čuă hăng pel ĕp hơdôm anih prap lui gơnam măi mok djru brơi tơhan rơbat pơtrui ƀrô hrơi hơdor glăi 80 thun akŏ pơjing Kơnuk kơna ƀơi Trung đoàn 916, sư đoàn 371, anom bruă tơhan wai pơgang rơngĭt adai.
Pơsit tong tơlơi yôm mơng bruă jao A80, thượng tướng rơkâo hơdôm anom bruă tŏ tui ngă klă bruă pơtop hrăm, hruă kjăp bruă jao, pơjing pran gir run brơi ƀing apăn bruă, ling tơhan, đing nao tơlơi hơdip mơda kơ ling tơhan.
Thượng tướng Lê Huy Vịnh lăi pơtong, hơdôm grup prap lui gơnam măi mok kiăng ngă tui pran gơgrong, djă pioh phao kơtuang, prap lui gơnam măi mok klă hloh. Tơdơi kơ pơgiong bruă jao, hơdôm anom bruă kiăng lăng glăi, pơpŭ brơi hmao tlôn hăng bruă rơbat pơtrui tơhan pơhlôm kjăp, rơnuk rơnua.
Viết bình luận