VOV4.Jarai - Hrơi tom brơi (5/8), ƀơi plơi prong Đà Lạt (Lâm Đồng), Khul mơnuih čih tơlơi pơhing Việt Nam pơphun Jơnum klah čun kơ bruă djru brơi hơdôm tơlơi čih djơ̆ hloh rơwang thun 2016-2020, pok pơhai jơlan hơdră djru rơwang thun 2021-2025. Giăm 150 čô mơnuih lĕ ding kơna, khua mua hơdôm Khul mơnuih čih tơlơi pơhing mơng 19 boh tơring čar, ƀôn prong amăng kual Tong krah- Dap kơdư nao jơnum hrŏm.

Kiăng kơ tŏ tui ngă tŭ yua hơdôm jơlan hơdră djru brơi tơlơi čih klă hloh rơwang thun 2021-2025 tui tơlơi pơtrun mrô 558 mơng Khua dêh čar, Khul rơkâo pioh lu hrơi mông kơ bruă pơgôp hiăp, sem lăng hăng lăi nao lu dong hơdôm tơlơi kiăng čih hơmâo pơtrut pơsur, lăp djơ̆ hăng bruă mă; djru amăng bruă hơkrŭ amăng bruă mă mơng ƀing čih tơlơi pơhing mơng anom bruă. Đĭ pơhiăp amăng mông jơnum, mơi Nguyễn Đức Lợi, Kơ-iăng Khua Khul mơnuih čih tơlơi pơhing Việt Nam pơsit tong, jơlan hơdră tŏ tui pơtrut bruă djru čih tơlơi pơhing hăng rơnoh prăk lu hloh, amăng anun đing nao hrưn đĭ klă amăng bruă mă mơng ding kơna.

Siu Đoan: Pơblang