Lơ 4/8, ƀơi Hà Nội, Khua git gai Ping gah ơi Tô Lâm nao pơhmư̆ hăng đĭ pơhiăp ƀơi mông bưp mơnuih rơgơi mơbruă amăng khul tơhan Kông an mơnuih ƀôn sang, amăng mông Jơnum bơkơtưn “Yua kơ Rơnuk rơnua Lŏn ia” tal 9. Khua git gai Ping gah hok mơak, tŭ yap, hăng thâo hluh kơ mơnuih djai drơi yua kơ lŏn ia, mơnuih rơka rơkač lơ̆m ngă bruă; ƀing khua, ling tơhan pioh abih tơlơi hơdip hăng bruă pơkơdong glăi mơnuih ngă soh, hot jrao ma túy hăng lu tơlơi hŭi rơhyưt; ƀing khua, ling tơhan hur har pran jua, kơsung nao pơ anăp ngă bruă pơ guai dêh čar, kual ataih yaih; ƀing tơhan ƀu hŭi kơ apui ƀong, ia dăo či djru ană mơnuih; djă mă glăi gơnam tam; mơnuih lui hĭ tơlơi yâo mơak mơ̆ng pô či ngă bruă, pơgang ba tơlơi hơdip rơnuk rơnua kơ mơnuih ƀôn sang;...

Khua git gai Ping gah ơi Tô Lâm kiăng pok pơhai tŭ yua dong bruă abih bang mơnuih gum pơgang rơnuk rơnua Lŏn ia; pơpŭ bơni, pok prong tui mơnuih rơgơi mơbruă, gru kơnuih “mơnuih klă, bruă hiam” râu mơdưh tơlơi pơ-ư ang, pơtrut tui gru grua hiam Tơhan ngă hơkrŭ, jing bruă pơtrut pơsur ƀing khua, tơhan ƀu pơdơi pơdă hrăm bruă, bơkơtưn, gir ngă truh kih bruă pơgang rơnuk rơnua, hơđong kjăp, akŏ pơdong tơhan Kông an ngă bruă tơpă sit, kjăp kơtang, rơgơi, hơdeč hmar, pơplih phrâo, djru akŏ pơdong hăng pơgang Lŏn ia amăng rơnuk phrâo. Ƀrô tal anai, Khua git gai Ping gah ơi Tô Lâm hăng Khua ding jum Kông an ơi Lương Tam Quang brơi gơnam kơ mơnuih rơgơi mơbruă amăng tơhan kông an wơ̆t hăng mơnuih rơgơi mơbruă amăng tơhan wai lăng rơnuk rơnua ƀơi plơi pla ƀôn lan.