Ơi Nguyễn Kim May - Khua Jơnum min mơnuih ƀon sang să ea Ktur, tơring glông Čư̆ Kuin, tơring čar Dak Lăk pơsit, ƀơi să hơmâo tơlơi truh ƀlung ia ngă kơ 3 čô čơđai djai. Amăng anun hơmâo 2 čô čơđai sang hră anih 4 hăng sa čô čơđai anih 3, hrăm Sang hră gưl sa Nguyễn Đức Cảnh, să Ea Ktur, tơring glông Čư̆ Kuin, Dak Lăk.

Năng ai 11h30’ yang hrơi dong lơ 22/4, ƀing čơđai glăi mơ̆ng sang hră nao pơ dơnao kŏng ia Việt Đức 4, să Ea Ktur, tơring glông Čư̆ Kuin (ataih mơ̆ng sang hră năng ai 1km) či mơnơi hơgơi. Lơ̆m nao mơnơi, ƀing čơđai ƀu bưng ôh, mơnơi djơ̆ amăng anih ia dlăm, giong anun ƀlung hlao. Ƀing čơđai pơkŏn ƀuh jing iâu arăng nao djru. Samơ̆, lơ̆m ba đĭ hăng kơdư gơñu djai laih. 3 čô čơđai anai lêng kơ ană bă djuai ania ƀiă soh, sang anŏ hai tơnap mơn. Tơdơi kơ hơmâo tơlơi truh, ƀing khua mơ̆ng să, khul grup nao čuă jơmư sang anŏ, brơi gơnam, prăk kăk mơyut jôk ƀing čơđai djai.