VOV4.Jarai - Čơkă hrơi ngă lơphet 75 thun Hrơi pioh kơ Tơhan rơka, tơhan djai pơsăn drơi kơ lŏn ia (27/7/1947-27/72022), Ling tơhan pơgang guai Dak Lăk pơphun bơkơtưn ngă bruă “Mơñum ia hơdor kơ pô klơi” pơpŭ bơni, hơdor kơ mơnuih djru hơkrŭ lŏn ia. Hrŏm hăng ngă klă bruă hơmâo jao, hơdôm anom bruă amăng tơhan pơgang guai Dak Lăk pơtrut pơtô pơblang kơ gru grua “Mơñum ia hơdor kơ pô klơi”, “Hơdor tơngia”; gir run, hrăm mă pô hăng ngă tui tơlơi pơmin, pran jua Hồ Chí Minh, bruă iâu pơthưr “Pơtrut tui gru grua, pơyơr tơlơi rơgơi, djơ̆ hăng anăn iâu Ling tơhan Wa Hồ” rơnuk anai.

Hrơi kĭ pơkôl pơphun bruă hơdor tơngia

Hăng bruă djru, bơkơtưn bruă djru ƀing tơhan rơka, tơhan hơmâo tơlơi ruă, sang anŏ hơmâo anăn kơnuk kơna djru; iâu pơthưr ƀing khua, tơhan gir pơčruh prăk kơ keh prăk “Hơdor tơngia”; ngă klă bruă man pơdong “Sang hơdor tơngia”, “Sang gŏp tơhan”, “Sang 100 prăk”; djru čem rông, lăng ba ƀing Amĭ Việt Nam sông kơtang; brơi gơnam, brơi hră pơkŏm prăk hăng sang anŏ tơhan djai pơsăn drơi, sang anŏ tơnap tap.

Siu H’Mai: Pơblang