VOV4.Jarai - Mơguah lơ 15/4, Anom bruă tơhan pôlih wai lăng jơlan glông hăng tơhan wai lăng jơlan glông đơ đam dêh čar pơphun bruă kiăng pơhlôm hơđong amăng jơlan glông amăng hơdôm hrơi pơdơi mơng lơ 30/4-1/5. Tal pơphun bruă anai sui amăng 1 blan, kiăng kơ pla ƀiă rơdêh pơjrŏm, jơlan rơdêh tơnap nao rai, biă mă ñu ƀơi hơdôm ƀôn prong hăng hơdôm ară jơlan phun. Amăng tal pơphun bruă wai lăng anai, tơhan pôlih wai lăng jơlan mă yua boh thâo măi mok amăng hơdôm bruă hyu tir, wai lăng, mă yua djop măi mok kiăng kơ tañ ĕp ƀuh, pơsir hĭ hơdôm tơlơi ngă soh.

Ƀing tơhan pôlih wai lăng jơlan glông amăng hrơi pơphun bruă

Laih dong pơkiăo nao lu dong tơhan hyu tir, wai lăng, pơsir hĭ hơdôm tơlơi ngă soh amăng jơlan glông, pơƀut lu tơhan pơsir hơdôm tơlơi ngă soh amuñ ngă pơjrŏm rơdêh,  bruă rơdêh bă jơlan tơnap nao rai; tŏ tui na nao hăng bruă mă tŭ yua mơng hơdôm grup mă bruă gum hrŏm hăng tơhan wai lăng jơlan glông laih dong kông ang kiăng kơ tañ ĕp ƀuh hăng pơsir hĭ tơlơi ngă soh lơ̆m đuăi rơdêh amăng jơlan glông, pơlir hăng bruă pơgang, pơgăn ƀing ngă soh.

Siu Đoan: Pơblang