Ƀơi tơring čar Gia Lai, Khul gru grua tơhan Trường Sơn-Jơlan Hồ Chí Minh hơmâo 600 čô ding kơna jing khua mua, ling tơhan, hlăk ai kơsung nao hlâo, mơnuih mă bruă pok jơlan Trường Sơn rơnuk blah ngă. Ƀơi mông jơnum hơdor glăi, ƀing khua mua hơdor glăi amăng hrơi blan mă bruă khin hơtai črek čư̆, blah kriăng kiăng hơmâo jơlan Trường Sơn djru blah ayăt kiăng rơngai lŏn ia, djru hrŏm ling tơhan, mơnuih ƀôn sang amăng kual rơngai laih kơsung nao blah kiăng pơklaih rơngai hlom bom ƀơi kual Dơnung dêh čar, pơlir lŏn ia jing sa amăng thun 1975.
Ră anai, jơlan Hồ Chí Minh găn rơgao nao ƀơi 28 boh tơring čar, ƀôn prong mơ̆ng kual Kơdư nao pơ Dơnung, jing jơlan phun, kah hăng arăt drah prong amăng drơi jăn yôm pơphăn biă mă bơwih brơi pơđĭ kyar bơwih ƀong huă mơnuih mơnam, pơgang rơnuk rơnua dêh čar.
Viết bình luận