Tui hăng tơlơi lăi pơthâo, tơlơi bơwih ƀong hơđong; bruă pơđĭ nua gơnam ča čot hơmâo pơgăn mơn; tơlơi bơwih ƀong hơmâo pơhlôm. Gah bruă gru grua boh thâo, ayuh hyiăng,ling tơhan, rơnuk rơnua, pơtom hiăp hơmâo lăp đing nao, ngă klă tui. Kơ bruă djru mơnuih ƀon sang, mơnuih mă bruă hơmâo pơhlôm.

Biă ñu hăng bruă ngă hră pơ-ar, anai jing sa amăng hơdôm bruă yôm phun, hơmâo Kơnuk kơna, Khua dêh čar pơƀut git gai hăng hơdôm boh ding jum anom bruă hơmâo ngă klă, ba glăi boh than prong. Hrơi blan pơ anăp, Kơnuk kơna git gai lăng glăi abih bang, pơhrŏ trun, ngă amuñ ƀiă bruă ngă hră pơ-ar, biă nu lĕ tơlơi pơkă ngă tơnap kơ bruă sĭ mơdrô; git gai ngă tui klă bruă pơtŏng glăi hơdôm tơlơi bơbeč djơ̆, pơsit rơđah tơlơi pơkôl pơkă bruă pơkra hră pơ-ar.