Ơi Nguyễn Phú Trọng, tơkeng lơ 14/4/1944; ƀơi să Đông Hội, tơring glông Đông Anh, ƀôn prong Hà Nội. Anih ñu juăt dŏ hơdip lĕ ƀơi sang mrô 5, jơlan Thiền Quang, phường Nguyễn Du, kuận Hai Bà Trương, ƀôn prong Hà Nội. Mut apăn bruă mơng lơ 05 blan 12 thun 1967; mut Ping gah amăng lơ 19 blan 12 thun 1967.

(Thun blan mă bruă)

Blan 12/1967: Ơi Nguyễn Phú Trọng mă bruă amăng anom bruă djă pioh hră pơhing pơtô hrăm (ră anai lĕ hră pơhing Cộng sản); lơ 19/12/1967, ñu hơmâo pơmut amăng Ping gah Cộng sản Việt Nam.

Blan 8/1968-Blan 8/1973: Ñu mă bruă măng anom bruă hơdăp hơdră hră pơhing Cộng sản; nao mă bruă pơ tơring glông Thanh Oai, tơring čar Hà Tây (ră anai lĕ Hà Nội); ngă Khua khul hlăk ai ƀơi anom bruă hră pơhing Cộng sản.

Blan 9/1973-Blan 4/1976: Ñu nao hrăm hăng kơsem min ƀơi anih pơtô bruă bơwih ƀong huă-kơđi čar ƀơi Sang hră Ping gah pơprong hloh Nguyễn Ái Quốc (ră anai lĕ Sang hră pơtô bruă kơđi čar dêh čar Hồ Chí Minh).

Blan 5/1976-Blan 8/1980: Ñu mă bruă ƀơi anom bruă pơjing Ping gah, hră pơhing Cộng sản, ngă Kơ-iăng Khua git gai Ping gah ƀơi anom bruă anai.

Blan 9/1980-Blan 8/1981: Ñu hrăm tơlơi hrăm Nga văn ƀơi Sang hră Ping gah pơprong hloh Nguyễn Ái Quốc.

Blan 9/1981-Blan 7/1983: Ñu hrăm hăng wai pơgang tơlơi kơsem min hlâo kơ đĭ ngă Kơ-iăng nai prin tha (ră anai lĕ nai prin tha) gah boh thâo gru grua (gah tơlơi hrăm pơjing Ping gah) ƀơi Sang kơsem min boh thâo ia rơgơi mơnuih mơnam Liên Xô, gah Khul apăn bruă Ping gah Cộng sản Liên Xô.

Blan 8/1983-Blan 8/1987: Ñu ngă Kơ-iăng Khua anom bruă pơjing Ping gah, hră pơhing Cộng sản.

Blan 9/1987-Blan 2/1989: Ñu ngă Khua anom bruă pơjing Ping gah; Kơ-iăng khua git gai Ping gah (dong mơng blan 7/1985-blan12/1988), ngă Khua git gai Ping gah anom bruă hră pơhing Cộng sản (blan 12/1988-blan 12/1991).

Blan 3/1989-Blan 4/1990: Ñu ngă Ding kơna anom bruă hơdăp hơdră hră pơhing Cộng sản.

Blan 5/1990-Blan 7/1991: Ñu ngă Kơ-iăng anom bruă hơdăp hơdră hră pơhing Cộng sản.

Blan 8/1991-blan 8/1996: Ñu ngă Khua anom bruă hơdăp hơdră hră pơhing Cộng sản.

Amăng mông jơnum khua mua Ping gah đơ đam dêh čar tong krah rơwang tal VII (Blan 1/1994), Ñu hơmâo ruah amăng Khul apăn bruă Ping gah dêh čar. Ñu lĕ Ding kơna Khul apăn bruă Ping gah Cộng sản Việt Nam amăng tal VII, VIII, IX, X, XI, XII, XIII.

Blan 8/1996-Blan 2/1998: Ñu ngă Kơ-iăng khua git gai Ping gah ƀôn prong Hà Nội, ngă rah Khua khul git gai Sang hră gưl pron hăng git gai Anom pơtô bruă Ping gah ƀôn prong Hà Nội. Amăng mông jơnum lok 4 Khul apăn bruă Ping gah tal VIII (blan 12/1997), Ñu hơmâo ruah pơmut amăng Ding jum kơđi čar. Ñu lĕ Ding kơna Ding jum kơđi čar amăng hơdôm tal VIII, IX, X, XI, XII, XIII.

 Blan 2/1998-Blan 1/2000: Ñu arăng ngă bruă gah Tơlơi pơmĭn-gru grua hăng pơtô ba mơng Ping gah.

Blan 3/1998-Blan 11/2006: Ñu ngă Kơ-iăng khua khul Lý luận gơnong glông; Khua khul lý luận gơnong glông, gơgrong gah bruă lý luận mơng Ping gah (blan 11/2001-blan 8/2006).

 Blan 8/1999-Blan 4/2001: Ñu mut amăng Khul apăn bruă Ding jum kơđi čar, Khul apăn bruă Ping gah Cộng sản Việt Nam.

Blan 1/2000-Blan 6/2006: Ñu ngă Khua git gai Ping gah ƀôn prong Hà Nội amăng hơdôm tal XII, XIII, XIV.

Blan 5/2002- truh ră anai: Ñu lĕ Khua pơ ala mơnuih ƀôn sang dêh čar tal XI, XII, XIII, XIV, XV.

Blan 6/2006-Blan 7/2011: Ñu ngă Khua git gai pơ ala mơnuih ƀôn sang dêh čar Cộng hoà xã hội chủ nghĩa Việt Nam tal XI, XII, Khua git gai Ping gah grup Khua pơ ala mơnuih ƀôn sang, Ding kơna Khul wai pơgang rơnuk rơnua.

Blan 1/2011-Truh ră anai: Ñu ngă Khua git gai Ping gah Cộng sản Việt Nam tal XI, XII, XIII, khua git gai Ping gah ling tơhan gơnong glông.

Blan 2/2013- Truh ră anai: Ñu ngă Khua anom bruă git gai gơnong glông kơ bruă pơgang, pơgăn hưp ƀong kông ngăn, bruă ngă soh.

Blan 8/2016-Truh ră anai: Ñu mut amăng Khul apăn bruă Ping gah Kông ang gơnong glông rơwang thun 2015-2020 hăng 2020-2025.

Blan 10/2018-4/2021: Ñu ngă Khua git gai Ping gah, Khua mir sir dêh čar Cộng hòa xã hội chủ nghĩa Việt Nam rơwang thun 2016-2021; Khua khul wai pơgang rơnuk rơnua.

Blan 4/2021-Truh ră anai: Ñu ngă Khua git gai Ping gah Cộng sản Việt Nam, Khua git gai Ping gah ling tơhan, Ding kơna Khul apăn bruă Ping gah kông ang gơnong glông, Khua khul git gai gơnong glông kơ bruă pơgang, pơgăn bưp ƀong kông ngăn, bruă ngă soh.

Yua kơ hơmâo lu tơlơi pơgôp prong prin hăng yôm phăn biă amăng bruă ngă hơkrŭ mơng Ping gah, mơng djuai ania, Ñu hơmâo Ping gah hăng Kơnuk kơna jao Miđai pơtŭ mah, Miđai 55 thun mut Ping gah hăng lu miđai yôm phăn pơkŏn dong mơng dêh čar Việt Nam hăng jar kmar anun lĕ: “Miđai Mah dêh čar” mơng khua mir sir dêh čar Lao, “Miđai giang mah” mơng Ping gah hăng kơnuk kơna dêh čar Khač, “Pri Lênin” anai lĕ pri prong hloh mơng Khul apăn bruă Ping gah Cộng sang pơlir hơbit dêh čar Nga, “Miđai Jose Marti” mơng Ping gah, Kơnuk kơna dêh čar Cu Ba hăng lu miđai yôm phăn pơkŏn dong./.