Bông atâo ơi Nguyễn Phú Trọng dưi ba dưm ƀơi Sang ngă lơphet jôk mơyut prong dêh čar mrô 5 jơlan Trần Thánh Tông, ƀôn prong Hà Nội.Ngă lơphet mut čuă, jôk mơyut ăng h'ŭ kơ rơgŏm ơi Nguyễn Phú Trọng dưi pơphun ƀơi sang ngă lơphet jôk mơyut prong dêh čar mrô 5 jơlan Trần Thánh Tông, ƀôn prong Hà Nội, pơphun mơ̆ng 7 mông mơguah truh 10 mông mlam lơ 25/7/2024 ƀơi Sang ngă lơphet jôk mơyut prong dêh čar mrô 5 jơlan Trần Thánh Tông, ƀôn prong Hà Nội.
Ngă lơphet jôk mơyut h'ŭ hơdor kơ ơi Nguyễn Phú Trọng dưi pơphun lơ̆m 1 mông či tlam lơ 26/7/2024 ƀơi Sang ngă lơphet jôk mơyut prong dêh čar mrô 5 jơlan Trần Thánh Tông, ƀôn prong Hà Nội.
Ngă lơphet nao pơyua atâo lơ̆m 3 mông hrơi anun mơ̆n ƀơi Pơsat prong Mai Dịch, ƀôn prong Hà Nội.
Ngă lơphet mut čuă, jôk mơyut hăng h'ŭ hơdor kơ ơi Nguyễn Phú Trọng dưi pơphun amăng hrơi mông anun, ƀơi lu anih pơkŏn amăng dêh čar ăt ngă mơ̆n, či sang jơnum prong Thống Nhất, ƀôn prong Hồ Chí Minh hăng ƀơi plơi pla ñu pô să Đông Hội, tơring glông Đông Anh, ƀôn prong Hà Nội.
Gong phun pơdah rup Việt Nam hăng Gong phun pơtui jua pơhiăp Việt Nam amra pơdah rup hăng pôr pơthâo hmao klôn djop tơlơi pơhing kơ mông ngă lơphet mut čuă, jôk mơyut hăng h'ŭ hơdor kơ Khua git gai ping gah rơgŏm ơi Nguyễn Phú Trọng ƀơi Hà Nội, ƀôn prong Hồ Chí Minh.
Amăng dua hrơi ngă lơphet jôk mơyut prong hloh gưl dêh čar lơ 25/7/2024 hăng lơ 26/7/2024, djop sang bruă kơnuk kơna, anom bruă prong, anih ngui ngor, đang bơnga anig čuă ngui khom akă hla kơ hyŭ, kôl hĭ hrĕ bơnal jŭ, ƀu dưi pơphun tơlơi mơak ngui ngor adoh suang amăng anih lu mơnuih juăt nao ngui ƀơi tơdron lăk hơdôm hrơi pioh jôk mơyut prong.
Viết bình luận