VOV4.Jarai - Tŏ tui jơnum kơ bruă čih pơkra tơlơi phiăn blan 8, mơguah (17/8), pơgôp hiăp amăng črăn tơlơi pơtrun kơ tơlơi pơkă amăng jơnum Khua pơ ala mơnuih ƀon sang dêh čar (čih pơkra glăi), Khua git gai pơ ala mơnuih ƀon sang dêh čar ơi Vương Đình Huệ rơkâo pơhlôm ngă pô; tơlơi dưi, tơlơi glăm ba mơng khua mua hăng hluai tui tơlơi sit nik . Amăng mông jơnum, Khua git gai pơ ala mơnuih ƀon sang dêh čar ơi Vương Đình Huệ lăi pơtong: Khua pơ ala mơnuih ƀon sang dêh čar lĕ anom bruă yua mơnuih ƀon sang ruah đĭ, yua anun črăn tơlơi pơtrun ba tơbiă tơlơi pơkă amăng jơnum Khua pơ ala mơnuih ƀon sang dêh čar (čih pơkra glăi) kiăng pơhlôm ngă pô; djơ̆ tơlơi phiăn; lăp djơ̆ hăng rơnuk phrâo; pơdah rơđah, tơpă sit; lăp djơ̆ hăng tŭ yua; hluai tui tơlơi sit nik. Hơdôm tơlơi pơgôp hiăp ăt rơkâo hơmâo tơlơi pơkă dong yua tui hluai tơdah hơmâo bruă hơget thơ anun lĕ lơ̆m klin kheng ngă tơnap tap.

Siu Đoan: Pơblang