Tui hăng tơlơi pơhing mơ̆ng Grŭp pơhlôm ƀơi jơlan nao rai tơring čar Kon Tum, năng ai ñu 9 mông mơmot lơ 25/2, ƀơi jơlan Hồ Chí Minh, črăn găn thôn 4, să Diên Bình, tơring glông Đăk Tô, rơdêh mrô 82A-09582 yua kơ Nguyễn Văn Du mơgăt (44 thun), dô̆ ƀơi să Sa Sơn, tơring glông Sa Thầy, tơring čar Kon Tum mơgăt amăng rơdêh hmâo 3 čô mơnuih đuăi mơ̆ng tơring glông Đăk Tô nao pơ̆ tơring glông Đăk Hà.

Lơm đuăi truh Km 1518+100, rơdêh pơjrom hăng rơdêh mrô 82F1-03391 yua kơ A Thuê (20 thun) pơgiăng A Thom (14 thun) dô̆ ƀơi plơi Đăk Kang Pêng, să Diên Bình, tơring glông Đăk Tô, đuăi anăp kơđai glăi. Tơlơi pơjrom ngă A Thuê hăng A Thom djai ƀơi anun hlao, dua bôh rơdêh răm rai kơtang. Hmư̆ hing, khul kông ang tañ ƀuh ƀô̆ pơgang anih anom hmâo tơlơi truh pơhlôm brơi bruă nao rai, hrŏm hăng anun pok pơhai bruă pel ĕp bôh than ba truh tơlơi pơjrom./.