Mơguah lơ 8/6, pơhiăp amăng mông jơnum pơđut tal tơña lăi glăi, Khua git gai pơ ala mơnuih ƀôn sang dêh čar ơi Vương Đình Huệ lăi: Tal tơña hăng lăi glăi anai mă bruă tơpă, djop pô dưi soh, pơčrong djơ̆ lăp, pơhưč lu mơnuih đing nao, biă mă ñu mơnuih ruah khua hăng abih bang mơnuih ƀôn sang amăng dêh čar.

Ƀơi mông jơnum anai, hơmâo 454 wơ̆t ƀing pơ ala tơña, 112 wơ̆t ƀing pơ ala tơña ƀơi anăp mơta, 49 wơ̆t hơmâo bơkơtuai nao rai kiăng ngă pơrơđah hloh hơdôm tơlơi mơ̆ ƀing pơ ala pơkŏn đing nao, ăt lăi pơtong anai lĕ hơdră ƀing pơ ala krăo lăng prong mơnuih ƀôn sang jao, sem lăng ngă tui tơlơi dưi amăng anom bruă khua pơ ala mơnuih ƀôn sang dêh čar tŭ yua biă mă. Tal tơña lăi glăi hơmâo pơdah rai pran jua mă bruă glăm ba, lăi pơthâo rơđah hơdră mă bruă; samơ̆ hơmâo boh tŭ yua hă ƀô̆ tui hluai boh tơhnal ngă tui tơlơi ƀuăn, tơlơi pơkôl mơ̆ng Kơnuk kơna, ding kơna amăng kơnuk kơna dêh čar.