Tơlơi pơhing anai hơmâo pôr pơthâo lơ̆m jơnum hăng ƀing čih tơlơi pơhing lăi pơthâo Jơnum ruah khua pơ ala djop djuai ania ƀiă tơring čar Dak Lak tal 4, thun 2024 pơphun tlam lơ 18/10. Jơnum khua mua pơ ala djop djuai ania ƀiă tơring čar Dak Lak tal 4, thun 2024 amra pơphun amăng 2 hrơi lơ 24-25/10 pơ anăp ƀơi plơi prong Ƀuôn Ma Thuột, hăng akŏ ñu “Mơnuih ƀôn sang djop djuai ania tơring čar Dak Lak gum pơgôp, pơblih phrâo pơčeh djơ̆, hneč mă anŏ gêh găl, tơlơi kơtang, mut phung hăng pơđĭ hơđong kjăp”.

Him lăng amra hơmâo 300 čô khua pơ ala nao jơnum, amăng anun 250 čô khua pơ ala sit nik, pơ ala brơi 715 rơbâo čô mơnuih djuai ƀiă amăng 49 djuai ania dŏ ƀơi tơring čar Dak Lak.