Amăng mông jơnum, khua pơ ala hơdôm gơnong bruă, anom bruă bơdjơ̆ nao hmâo lăi pơhing sa dua bôh tơhnal ƀuh rơđah hloh gah tơlơi hlăk ai; lăi rơđah tơlơi gal, tơlơi tơnap, tơlơi lông hăng pơsit jơlan gah sa dua bôh yôm amăng pơđĭ kyar pơtô pơhrăm kiăng pơtô pơhrăm mơnuih mă bruă bơwih ƀong huă sĭ mơdrô hăng bơwih brơi djơ̆ tui tơlơi kiăng, lăp djơ̆ hăng anih anom mă bruă amăng rơnuk mut hrŏm bơwih ƀong jar kơmar hăng pơplih mrô.

Pơtŏng sit tơring čar pơsur na nao, ngă gal brơi kơ hlăk ai pơphun bruă, pơjing bruă mă, djru hrŏm pơđĭ kyar mơ̆ng tơring čar, yă H’ Yim Kđoh, Kơ-iăng Khua Jơnum min mơnuih ƀôn sang tơring čar Dak Lak rơkâo hơdôm gưl Ping gah, gong gai khom kơtưn bruă pơtom hiăp ƀơi anăp hăng mơnuih amăng khul hlăk ai, tơdăm dra pioh hmao tŭ mă hơdôm tơlơi rơkâo đĭ, ba tơbiă. Mơ̆ng anun hmâo hơdôm jơlan gah pơđĭ dlông anô̆ kơjăp pơtô pơhrăm, pơdŏng pơjing hlăk ai mă bruă kơjăp pioh kơtưn mơnuih mă bruă kơ tơring čar./.