Tui yă Nguyễn Thụy Phương Hiếu, Kơ-iăng khua gơnong bruă gru grua - bơrơguăt drơi jăn hăng tuai čuă ngui tơring čar Dak Lak, anai lĕ bruă mă amăng jơlan hơdră pơtom hiăp, gru grua mơng tơring čar Dak Lak thun 2022. Tal nao čuă ƀrô hrơi hơdor glăi 60 thun akŏ pơjing tơlơi rô nao rai pơtom hiăp Việt Nam-Lao, 45 thun ngă hrŏm, giang mah Việt Nam - Lao hăng pơphun lăp djơ̆ tal hơdor glăi 47 thun hrơi akŏ pơjing lŏn ia Lao lơ 2/12.

Amăng hơdôm hrơi nao čuă, mă bruă, dua bơnah hơmâo bơkơtuai kơ bruă ngă hrŏm amăng pơđĭ kyar gru grua hăng tuai čuă ngui. Tŭ ư kĭ hră pioh hơdor kơplah wah 2 gơnong bruă mơng 2 boh tơring čar amăng bruă ngă hrŏm, gum djru tơdruă amăng pơlir hơbit gru grua hăng tuai čuă ngui rơwang mơng anai truh thun 2025.

Tui boh tơhnal kĭ pơkôl, dua bơnah amra pơplih nao rai bruă pơphun pơtom hiăp gru grua, ba ƀing adôh suang gưl tơring čar nao ngui adôh suang ƀơi dua bơnah kah hăng pok pơhai pel ĕp kiăng pơlir bơwih brơi tuai čuă ngui kơplah wah anom bơwih ƀong sĭ mơdrô hăng hơdôm anih čuă ngui ƀơi rĭm boh tơring čar. Laih dong, djă pioh hăng lăi pơthâo gru grua yôm phara mơng rĭm boh tơring čar.