Kiăo tui anun, abih bang lŏn glai đơ đam tơring čar Gia Lai hmâo rơbêh kơ 650.600 ektar. Amăng anun glai hơđăp giăm hmâo 480.000 ektar; glai kyâo pla giăm hmâo 160.000 ektar; dô̆ glăi lĕ lŏn kyâo pla akă jing glai. Mrô gôm lŏn amăng đơ đam tơring čar hmâo 41,09%, mrô gôm hrŏm hmâo 47,59%.

Jơnum min mơnuih ƀôn sang tơring čar Gia Lai lăi rơđah tơhnal yôm phăn mơ̆ng bruă lăi pơthâo glăi tơlơi glai klô pioh djru bruă pel ĕp, lăng tui hăng pơsit tơhnal ba tơbiă glai tui tơlơi pơkă . Hrŏm hăng anun, rơkâo hơdôm ƀirô apăn bruă lăi pơthâo rơđah mrô lŏn glai ră anai, pơhlôm rơđah pioh hơdôm khul grŭp, mơnuih thâo rơđah hăng ngă tui bruă gơgrong bơdjơ̆ nao. Anai lĕ gru than yôm phăn pioh wai lăng kơjăp, pơhlôm hơdôm tơhnal ba tơbiă pơđĭ kyar bơwih ƀong – mơnuih mơnam nao hrŏm hăng pơgang rơhuông adai lŏn mơnai./.