Nao pơhmư̆ hmâo khua pơ ala Ƀirô pơtrun bruă Quân khu V, Khua git gai tơring čar Kon Tum hơdôm rơnuk, Khul tơhan sông kơtang mơnuih ƀôn sang hăng 185 čô khua pơ ala lĕ mơnuih apăn bruă gưl dlông khul ling tơhan pơdơi lơtret.

Amăng mông bưp, ƀing khua pơ ala lăng ƀuh Jơlan hơdră pơdah adôh suang hăng anăn ñu “80 thun ư-ang na nao ling tơhan”, lok glăi phiăn juăt gru grua pơtŏng sit bôh than, bruă mă mơ̆ng Khul ling tơhan mơnuih ƀôn sang Việt Nam amăng 80 thun rơgao, djru pơgang kơjăp tơlơi rơngai, dưi pô, pơlir hơbit, đơ đam lŏn ia pơhlôm, pơgang bôh tŭ yua lŏn ia, djuai ania; pơgang Ping gah, Kơnuk kơna, Mơnuih ƀôn sang hăng jơlan nao djop mơnuih dưm kơnar; djă kơjăp hơđong bruă kơđi čar, tơlơi rơnuk rơnua pioh pơdŏng hăng pơđĭ kyar lŏn ia./.