VOV4.Jarai-Khua Jơnum min mơnuih ƀôn sang tơring čar Kon Tum phrâo ngă hră kông điện mrô 2 git gai djop sang bruă kơnuk kơna mơ̆ng tơring čar kơtưn wai pơgang glai klô amăng tơring glông Kon Plong. Tui hăng tơring čar Kon Tum pơblang, tơlơi phă glai, kơsing lŏn, mă yua dram gơnam kông ngăn glai klô soh hăng tơlơi phiăn ƀơi Kon Plong jai hrơi lu hăng tơnap tap biă mă.

Anih arăng uă kyâo phă glai ƀơi tơring glông Kon Plong

Amăng tơring glông hơmâo na nao tơlơi koh drôm kyâo, pơdŭ pơgiăng kyâo ča čot…phrâo anai hloh koh drôm uă hĭ 26 phun kyâo pơ kual pơgang mrô 11, amăng kual glai pơkă mrô 486 yua kơ Jơnum min mơnuih ƀôn sang tơring kual Măng Đen wai lăng. Khua Jơnum min mơnuih ƀôn sang tơring čar Kon Tum hăng hăng djop anom bruă tơring čar brơi pơtong glăi laih anun pơsir djơ̆ tơlơi phiăn.

Nay Jek: Pơblang