Kiăng prăp lui kơ tal hyu hơduah ĕp, tum pơƀut tơlang tơleh tơhan pơsăn drơi amăng bơyan phang thun anai, Ƀirô git gai khul ling tơhan tơring čar Kon Tum hmâo črâo ba laih Grŭp K53 hyu pel ĕp, thâo 43 tơlơi pơhing kơ anih dor tơhan pơsăn drơi ƀơi hơdôm bôh dêh čar gơyut. Rơgao pel ĕp, hmâo hơdôm tơlơi pơhing djơ̆ lu bruă tum pơƀut hmâo tơlang tơhan pơsăn drơi.

Pơhiăp amăng mông ngă lơphet, yă Y Ngọc, Kơ-iăng Khua Jơnum min mơnuih ƀôn sang tơring čar Kon Tum rơkâo Ƀirô git gai Khul ling tơhan tơring čar Kon Tum kơtưn git gai, črâo ba Grŭp K53 lơm ngă tui bruă jao; ngă klă bruă pơtô pơhrăm kơđi čar tơlơi pơmin kơ mơnuih apăn bruă tơhan, ling tơhan; lăng yôm pran jua gum hrŏm hơbit, bruă gơgrong, ngă tui tơpă tơlơi phiăn khul ling tơhan hăng hơdôm hơdră pơtrun, hơdră bruă mơ̆ng Ping gah, tơlơi phiăn mơ̆ng 3 bôh dêh čar Việt Nam – Lao - Kur. Dưi thâo bơyan phang thun hlâo, Grŭp K53 tơring čar Kon Tum hmâo tum pơƀut, ba glăi dêh čar tơlang tơleh 16 čô ling tơhan pơsăn drơi ƀơi dêh čar Lao hăng Kur./.