VOV4.Jarai - Jơnum min mơnuih ƀon sang tơring čar Kon Tum phrâo hơmâo hră git gai Gơnong bruă jơlan glông hăng pơdŭ pơgiăng pơtrut tañ bruă pơkra ming jơlan mrô 24 ƀơi tơring čar Kon Tum. Tui anun, Jơnum min mơnuih ƀon sang tơring čar Kon Tum git gai Gơnong bruă jơlan glông pơdŭ pơgiăng ngă hrŏm hăng hơdôm anom bruă bơdjơ̆ nao krăp lăng na nao, git gai, juh alum, pơsur ƀing gơgrong pơkra mă yua lu mă mok, gơnam yua, mơnuih mă bruă; lơ̆m hrơi hiam lĕ gir mă bruă abih pran, mă bruă thim dong, đah mơng ngă giong tui hăng hrơi pơkă laih anun brơi nao abih prăk pioh pơkra jơlan đah mơng pơhlôm djơ̆ hrơi pơkă, hăng kiăng jơlan klă. Gơnong bruă jơlan glông pơdŭ pơgiăng khŏm git gai pơtô brơi, wai lăng, ĕp hơmâo mơnuih mă bruă, wai lăng kơjăp anŏ klă kiăo tui hơnong pơkă mơng kơčăo bruă; wai lăng kơjăp bruă pơkra jơlan đah mơng pơsir tañ ƀudah hơmâo tơlơi rơkâo pơsir hĭ tơdah pô gơgrong tuh pơ plai ƀu ngă klă, ngă kaih.

Pơkra glăi jơlan 24 glông jơlan găn nao pơ tơring Kon Plŏng.

Siu H’Mai: Pơblang