Kiăo tui anun, ơi Nguyễn Văn Hoàng, Khua Jơnum min mơnuih ƀôn sang tơring glông Lâm Hà dưi brơi nao, ruah ngă Kơ-iăng Khua Grŭp mă bruă Gong gai Ping gah tơring čar Lâm Đồng. Ơi Nguyễn Văn Dậu – Kơ-iăng Khua Anom pel ĕp kơđi čar tơring čar Lâm Đồng dưi brơi nao ngă Kơ-iăng Khua git gai Ping gah tơring glông Lâm Hà pioh ruah ngă Khua Jơnum min mơnuih ƀôn sang tơring glông Lâm Hà.

Yă Nguyễn Thúy Hằng – Khua Anom bruă Gơnong bruă wai lăng tơlơi pơhing hăng pôr pơhing dưi brơi nao, ruah ngă Kơ-iăng Khua Anom bruă pel ĕp kơđi tơlơi tơring čar Lâm Đồng. Ơi Vũ Đình Cường – Khua Anom wai lăng glai kyâo dưi ruah ngă Kơ-iăng Khua Gơnong bruă đang hmua hăng pơđĭ kyar ƀôn lan tơring čar Lâm Đồng. Jơnum ăt lăi pơthâo mơn tơlơi pơsit ruah ơi Nguyễn Trần Nhật Huy ngă Kơ-iăng Khua Gơnong bruă Kơčăo bruă hăng Tuh pơplai; ruah ơi Nguyễn Văn Đức ngă Kơ-iăng Khua Gơnong bruă kông ngăn glai klô hăng rơhuông adai lŏn mơnai, ơi Lê Văn Thành ngă Kơ-iăng Khua Gơnong bruă tơlơi phiăn tơring čar./.