Tơring čar Lâm Đồng lĕ anih anom hmâo lu anô̆ gal gah tuai čuă ngui, bruă đang hmua mơng Việt Nam. Tơlơi yang brơi lŏn mơnai hiam, ayuh hyiăng klă hmâo jing rai laih anô̆ gêh gal hăng ƀiă anih ƀơi Việt Nam hmâo, kiăng Lâm Đồng dưi ngă rai lu gơnam klă. Lom anun Australia glăk hmâo lu tơlơi kiăng kơ kơ phê lom hơnong ñu rim mơnuih ƀôn sang dêh čar anai blơi yua 2 kg kơ phê sa thun.

Australia ăt dưi pơsit mơn anih anom hmâo lu anô̆ gal hăng asar bôh ñông hăng bơnga djop mơta mơng Lâm Đồng. Yua anun, Jơnum min mơnuih ƀôn sang tơring čar Lâm Đồng hmâo pơkiăo nao Grŭp hyu mă bruă pơ̆ Australia mă bruă hăng pơphun hơdôm bruă pơtrut sĭ mơdrô. Rơngiao kơ pơtrut sĭ mơdrô, tơring čar Lâm Đồng ăt kiăng mơn Australia pơtô glăi hơdră pơdjuai pơjeh, hơdră phang krô gơnam mă mơng đang hmua hăng apui hrĭp mơng pơ-iă yang hrơi, ngă đang ia pruih mă ha jăn, hơdră pơsir djah, biă ñu djah djâu, djah gơnam mă mơng đang hmua, jơlan pơsir bruă đang hmua tui hơdră phrâo...