VOV4.Jarai - Tơring glông Krông Pač, tơring čar Daklak prăp lui kơ Jơnum ngui sầu riêng Krông Pač. Anai lĕ bôh yôm dưi hmâo khua tơring glông lăi pơhing amăng mông jơnum hăng mơnuih mă tơlơi pơhing phrâo amăng lơ 22/8. Jơnum ngui Sầu riêng tơring glông Krông Pač tal sa, thun 2022, hăng anăn ñu “Pơđĭ tui Sầu riêng Krông Pač” amra sit nik pok phun măng lơ 1/9 hăng sui truh kơ lơ 3/9 ƀơi kual krah tơring kual Phước An hăng sa dua bôh să ƀơi tơring glông Krông Pač.

Sầu riêng lĕ sa amăng hơdôm gơnam ba glăi lu prăk kơ lu mơnuih ngă đang hmua ƀơi Daklak

Amăng rơwang jơlan hơdră Jơnum ngui amra hmâo lu bruă mă pơphun, anun lĕ: Jơnum ngui sang čơ pơdă prưng hơdôm gơnam bôh troh, gơnam mă mơng đang hmua mơng tơring glông hăng sa dua anih anom jum dar; Jơnum ngui pơtrut iâu pơthưr tuh pơplai hăng pơđĭ kyar gơnam mă mơng đang hmua, bruă đang hmua kơjăp phik. Biă ñu, amăng hơdôm bruă mă bôh thâo – lăi pơhư̆č kơ tuai čuă ngui, amra hmâo dong lu bruă mă: Tlaih blôm bơnal prong, juang yu, tlaih kơđen bơnga đăng, waih song...

Siu H’ Prăk: Pơblang