VOV4.Jarai - Tơdơi kơ 6 hrơi mă bruă, čơtlăm lơ 10/5, Jơnum lok 5 Grŭp mă bruă Ping gah dêh čar ta tal 13 hmâo jơnum pơđut lok jơnum. Sa amăng hơdôm tơlơi dưi hmâo Khua git gai Ping gah dêh čar ta ơi Nguyễn Phú Trọng biă ñu đing nao amăng tơlơi pơhiăp amăng mông pơđut lok jơnum anun lĕ tơlơi kiăng biă, khom hmâo tơlơi pơplih kơtang hăng sit nik hloh dong amăng bruă pơđĭ tui bôh thâo git gai, pran hrưn đĭ mơng khul grŭp ping gah; hăng kiăng ngă tui truh kih tơhnal pơkă, tơlơi kiăng hăng hơdôm bruă pơsir ba tơbiă.

Khua git gai Ping gah dêh čar ta ơi Nguyễn Phú Trọng pơhiăp pơđut mông jơnum

Khua git gai Ping gah dêh čar ta ơi Nguyễn Phú Trọng rơkâo, Grŭp pơphun bruă Ping gah hăng hơdôm Grŭp Ping gah, hơdôm ƀirô pơphô bruă, djru bruă gah Kơnuk kơna kiăng tañ hmâo tơlơi pơtô brơi ngă tui; hơdôm grŭp ping gah tơring čar, ƀôn prong, hơdôm grŭp ping gah gah Kơnuk kơna khom hur har, gơgrong hlâo pơplih phrâo tơlơi pơmin, tơhnal pơkă, bruă mă hăng jơlan pơsir mơ̆ Tơlơi pơtrun pơsit mơng Kơnuk kơna hmâo ba tơbiă. Amăng mông jơnum, Grŭp mă bruă Ping gah hmâo tŭ ư hrom pơtrun pơdŏng Grŭp črâo ba gưl tơring čar kơ pơgang, pơgăn hưp ƀong kông ngăn, tơlơi ƀu klă./.

Siu H’ Prăk: Pơblang