VOV4.Jarai - Mơguah lơ 6/7, hăng 100% mrô khua mua tŭ ư, Jơnum min apăn bruă Khua pơ ala mơnuih ƀon sang dêh čar hơmâo tŭ yap tơlơi pơtrun kơ rơnoh mă jia wai pơgang ayuh hyiăng hăng ia săng, ia jâo, luil pik. Jơnum min apăn bruă Khua pơ ala mơnuih ƀon sang dêh čar pơplih glăi rơnoh mă jua wai pơgang ayuh hyiăng  hăng ia săng, iâ jâo, luil pik trun tui rơnoh ƀiă hloh tui hăng mrô pơkă mă jia truh abih lơ 31/12/2022 anun lĕ: ia săng (ƀu yap wŏt etanol) hrŏ mơng 2.000 prăk/lit trun dŏ 1.000 prăk/lit; hyuh gaih hrŏ trun mơng 1.500 prăk/lit trun dŏ 1.000 prăk/lit; ia jâo diesel hrŏ mơng 1.000 prăk/lit trun dŏ 500 prăk/lit; ia jâo mazut hăng ia luil hrŏ mơng 1.000 prăk/lit trun dŏ 300 prăk/lit; ai luil pik hrŏ mơng 1.000 prăk/kĭ trun dŏ 300 prăk/kĭ; ia apui ăt dŏ 300 prăk/lit yua anai lĕ rơnoh djơ̆ hăng mrô pơkă mă jia. Jơnum apăn bruă Khua pơ ala mơnuih ƀon sang dêh čar tŭ ư hăng hrơi blan ngă tui tơlơi pơtrun lĕ mơng lơ 11/7/2022.

Siu Đoan: Pơblang