Thun anai, hăng tơlơi gơgrong ba ngă Khua Jơnum min ASEAN wai lăng tơlơi truh lŏn adai ngă, Việt Nam gir run pơdah rai tơlơi gơgrong ba jơlan kơ ASEAN ƀu kơnong amăng tơlơi rơnuk rơnua, bơwih ƀong huă đôč ôh dŏ ngă tui amăng bruă gru grua hiam-mơnuih mơnam, laih anun pơ anai pơhlôm hơđong kơ mơnuih ƀôn sang bĕ hĭ tơlơi truh lŏn adai ngă. ASEAN lĕ kual amuñ biă hơmâo tơlơi truh lŏn adai ngă kah hăng rơbŭ kơthel, ia ling dăo, không phang kơsing pah prong, lŏn pơpư̆ čư̆ mơgơi hăng čư̆ apui kơdir dơluh đĭ.....

Hơdôm tơlơi gir run ngă hrom amăng kual ASEAN wai lăng tơlơi truh lŏn adai ngă hăng pơhrŏ ƀiă tơlơi răm ƀăm amăng djop dêh čar ngă ding kơna; laih dơ̆ng, hăng pran jua gum pơgôp, djop dêh čar amăng kual ASEAN ăt ƀuăn ngă tui bruă lăng ano mơ̆ng ASEAN kiăng jing anih ba jơlan hlâo amăng rŏng lŏn tơnah wai lăng pơgang tơlơi truh lŏn adai ngă, kơnang kơ bruă mă bưp nao rai, kah pơpha tơlơi thâo thăi hăng bruă tom ngă sit nik; ăt kah hăng djru hrom amăng tơlơi gir run đơ đam rŏng lŏn tơnah bong glăi hăng tơlơi răm ƀăm truh lŏn adai ngă.