VOV4.Jarai-Mơguah lơ 5/4, ƀơi Hà Nội jơnum kĭ pơkôl hơdor pioh bruă ngă hrom pơtô hrăm bruă mă kơplah wah dua bơnah Kơnuk kơna Việt Nam hăng kơnuk kơna Angle hăng Ireland. Khua ding jum wai lăng Bruă mă Tơhan rơka hăng Mơnuih mơnam ơi Đào Ngọc Dung pơ ala kơ Kơnuk kơna Việt Nam hăng Khua anih jưh pơ ala dêh čar Angle hăng Ireland ƀơi Việt Nam pơ ala kơ kơnuk kơna Angle hăng Ireland kĭ pơkôl hră hơdor pioh.

Boh yôm phun Hră hơdor pioh anai hơmâo: Kah pơpha tơlơi thâo thăi pơtô hrăm bruă mă; djru čih pơkra hăng ngă tui tơlơi phiăn pơtô hrăm bruă mă hơđong kjăp; ngă hrom pơblih klă wai lăng, git gai, pơtô hrăm hăng pơtong rơđah tơlơi thâo thăi pơtô bruă mă ƀơi djop sang hră pơtô hrăm bruă mă amăng dêh čar Việt Nam; pơtrut ba yua boh thâo ia rơgơi phrâo, pơtô hrăm mơ̆ng ataih lăng nao rai amăng tivi; pơblih tui tơlơi pơtrun kơ bruă pơtô hrăm bruă mă; pok pơhai djop hơdră ba yua tơlơi pơhiăp gêh găl amăng bruă pơtô hrăm bruă mă.

Nay Jek: Pơblang