Việt Nam hăng Australia bơkơtuai kơ hơdră pơtrut yua boh thâo phrâo, pơplih mơtah
Thứ ba, 10:02, 15/10/2024
VOV/Siu Đoan Pơblang
VOV/Siu Đoan Pơblang
VOV4.Jarai - Tŭ ư hăng tơlơi jak iâu mơng Khua ding jum pơtom hiăp dêh čar Australia yă Penny Wong, kơ-iăng khua dêh čar, Khua ding jum pơtom hiăp dêh čar ơi Bùi Thanh Sơn amra nao pơ dêh čar Australia git gai hrŏm Jơnum khua ding jum pơtom hiăp rĭm thun kơplah wah Việt Nam-Australia tal 6 dong mơng lơ 16-19/10/2024.
Amăng hrơi mông jơnum tal anai, dua bơnah amra pơlăi nao rai hơdôm hơdră pơtrut tơlơi rô nao rai ngă hrŏm kơplah wah dua boh dêh čar, amăng anun hơmâo ngă hrŏm amăng hơdôm bruă anun lĕ yua boh thâo phrâo, pơplih mơtah, bong glăi ayuh hyiăng pơplih sat; pơtrut pơgiong jơlan hơdră bruă pok pơhai tơlơi rô nao rai ngă hrŏm yôm djop mơta amăng rơwang phrâo hăng tơhnal phun lĕ djop mơta bruă ngă hrŏm.
Dua bơnah ăt amra pơlăi nao rai kơ bruă amăng kual hăng jar kmar dua bơnah đing nao, pơgôp kơtưn gum hrŏm kơplah wah dua bơnah amăng hơdôm mông jơnum djop bơnah amăng hrơi blan lu tơlơi amăng kual, jar kmar glăk hơmâo lu anŏ pơplih.
Viết bình luận