VOV4.Jarai - Mơguah lơ 18/5, ƀơi bul pơtâo ia rơsĭ Tuần Châu, plơi prong Hạ Long, tơring čar Quảng Ninh, Ding jum bruă hmua hăng pơđĭ kyar ƀon lan Việt Nam ngă hrŏm hăng Ding jum bruă hmua dêh čar Khač hăng Jơnum min mơnuih ƀon sang tơring čar Quảng Ninh pơphun hrơi “Phai djuai akan hơdang kiăng pơjing glăi akan hơdang amăng ia rơsĭ kual Tong Wing Bắc Bộ thun 2022”. Him lăng amra hơmâo rơbêh 8 klăk djuai akan hơdang hơmâo phai nao amăng ia amăng mông jơnum ƀơi Tuần Châu. Bruă anai hơmâo amăng không ngă bruă Hră hơdor lui kơ bruă ngă hrŏm phai akan hơdang hăng pơgang djuai akan hơdang amăng kual Tong Wing Bắc Bộ hơmâo kĭ kơplah wah Khua ding jum bruă hmua hăng pơđĭ kyar ƀon lan Việt Nam hăng Khua ding jum bruă hmua dêh čar Khač ƀrô tal nao čuă mơng Khua git gai Ping gah Nguyễn Phú Trọng pơ dêh čar Khač thun 2017. Mơng thun 2017 truh ră anai, dua bơnah hơmâo ngă hrŏm pơphun 4 wơ̆t phai akan hơdang kiăng hrôh djuai akan hơdang amăng kual Tong Wing Bắc Bộ.

Siu H’Mai: Pơblang