Việt Nam, Khač pơphun mông Jơnum tal 16 Jơnum min črâo ba gum hrŏm dua bơnah bơi Bắc Kinh
Thứ tư, 10:29, 11/12/2024
VOV/Siu H' Prăk pơblang
VOV/Siu H' Prăk pơblang
VOV4.Jarai - Lơ 10/12/2024 ƀơi Sang čơkă tuai Điếu Ngư Đài, plơi prong jưh jom Bắc Kinh, dêh čar Khač, Khua Ding jum pơtom hiăp dêh čar ta ơi Bùi Thanh Sơn hrŏm hăng Khua Ding jum pơtom hiăp dêh čar Khač ơi Vương Nghị gum hrŏm git gai mông Jơnum tal 16 Jơnum min črâo ba gum hrŏm dua bơnah Việt Nam – Khač.
Amăng mông jơnum, dua bơnah lăi pơthâo nao rai tơpă kơ tơlơi ƀơi ia rơsĭ, tŭ ư hrŏm ngă tui tơpă tơlơi thâo hrŏm gưl dlông, wai lăng hăng pơsir klă hloh tơlơi akă djơ̆ hrŏm, djă pioh tơlơi rơnuk rơnua, hơđong ƀơi Ia Rơsĭ Ngŏ.
Ơi Bùi Thanh Sơn rơkâo dua bơnah gir run mă tơlơi Pơkôl kơ hơdôm tơlơi pơkă phun črâo ba pơsir tơlơi ƀơi ia rơsĭ Việt Nam – Khač, tơlơi phiăn jar kơmar ngă phun akha; dưm pô amăng anih tơdruă, pơpŭ tơlơi dưi pô, bôh tŭ yua djơ̆ phiăn tơdruă; ngă tui dong bruă mă mơ̆ng hơdôm tơlơi pơkă bơkơtuai gah ia rơsĭ, pơtrut gum hrŏm ƀơi ia rơsĭ ba glăi tơlơi pơplih sit nik, pơsir lăp djơ̆ tơlơi ƀơi ia rơsĭ; hrŏm hăng hơdôm bôh dêh čar kual ASEAN pơtrut bơkơtuai, tañ hmâo hră pơ-ar COC tŭ yua, sit nik./.
Viết bình luận