VOV4.Jarai - Khua dêh čar ơi Phạm Minh Chính phrâo git gai mông jơnum pok ngă tui tơlơi ƀuăn mơng Việt Nam amăng Jơnum tal 26 hơdôm dêh čar mut hrŏm tơlơi pơkôl mơng Sang gum hơbit djop dêh čar kơ ayuh hyiăng ƀu klă ngă (COP26). Đĭ pơhiăp amăng mông jơnum, Khua dêh čar ơi Phạm Minh Chính lăi rơđah, bruă pơgang ayuh hyiăng pơplih sat, hrŏ ƀiă carbon, pơđĭ kyar hơđong kjăp lĕ hơnong pơkă prong mơng jar kmar.

Mông jơnum

Anai lĕ hơdôm bruă tar ƀar rŏng lŏn tơnah yua anun kiăng kơ gum hrŏm mơng tar ƀar rŏng lŏn tơnah, kiăng tơlơi mut hrŏm mơng djop dêh čar. Hrŏm hăng anun, Khua dêh čar ăt lăi nao tơlơi gơgrong mơng djop ding jum, gơnong bruă, gong gai ƀon lan lơ̆m ngă tui tơlơi ƀuăn; khŏm hluh rơđah, pơmĭn brơi djơ̆, gir run abih pran, pran gir run hrŏm hăng bruă mă khut khăt, lăp djơ̆, ngă bruă hơget brơi kơ giong bruă anun.

Siu Đoan: Pơblang