VOV4.Jarai - Bruă plĕ hră ruah khua ruah ding kơna phrâo mơng Khul wai lăng tơlơi dưi ană mơnuih Sang gum hơbit djop dêh čar rơwang bruă 2023-2025 amăng anun hmâo Việt Nam lĕ mơnuih tơbiă anăn lơ 11/10 hmâo pơphun amăng mông Jơnum Khul khua pơ ala Sang gum hơbit djop dêh čar tal 77 ƀơi New York. 14 ding kơna phrâo amăng mrô 17 čô tơbiă anăn dưi ruah mut amăng Khul wai lăng tơlơi dưi ană mơnuih Sang gum hơbit djop dêh čar, khua pơ ala kơ 5 bôh dêh čar amăng anun hmâo: kual Ơi Jŭ, kual ASIA – Thái Bình Dương, kual ngŏ Mi Kô̆, kual Mỹ Latinh hăng Caribe, Kual Yŭ Mi Kô̆ hăng hơdôm bôh dêh čar pơkon.

Khul khua pơ ala Sang gum hơbit djop dêh čar plĕ hră ruah hơdôm ding kơna phrâo mơng Khul wai lăng tơlơi dưi ană mơnuih rơwang bruă 2023-2025

Ƀut kual ASIA – Thái Bình Dương dưi lăng lĕ hmâo tơlơi bơkơtưn prong hloh lom hmâo truh 6 čô tơbiă anăn lom anun kơnong dưi ruah mă 4 čô mơnuih hăng hơdôm bôh dêh čar dưi ruah lĕ hmâo Việt Nam, Bangladesh, Kyrgyzstan hăng Maldives. Hăng 145 amăng mrô 189 hră plĕ djơ̆ phiăn, Việt Nam jing tal dua dưi ruah mut amăng ƀirô anai. Anai lĕ tal dua Việt Nam dưi ruah mut amăng ƀirô anai lom hmâo laih bôh than truh kih amăng bruă mă ding kơna Khul wai lăng tơlơi dưi ană  mơnuih Sang gum hơbit djop dêh čar rơwang bruă 2014-2016./.

VOV.VN čih

Siu H’ Prăk pơblang