Pri hră pơhing tơring čar Dak Lăk tal anai hơmâo 115 tơlơi pơhing gah 5 mơta tơlơi pơhing in, hră pơhing điện tử, pôr jua pơhiăp, pơdah rup hăng hră pơhing rup phin mut amăng tal pơplông rơnuč. Khul pơphun pơplông hơmâo ruah, jao 61 pri, hơmâo 4 pri A, 8 pri B, 20 pri C hăng 29 pri pơsur pran jua.

Tui hăng Khul pơphun pơplông, hơdôm tơlơi pơhing thun anai kiăo tui sit tơlơi hơdip mơda, bang hyu anŏ hiam, thâo khăp pap, ƀuh hơbô̆ bruă klă, hơdră ngă bruă thâo pơčeh phrâo; laih dong gum pơkơdong glăi tơlơi soh sat, pơgang ba tơlơi pơmin hiam mơ̆ng Ping gah. Biă ñu, tơdơi kơ pơmut hrŏm, tơlơi pơhing hơmâo pok prong tui, lăi pơthâo rơđah tơlơi hơdip mơ̆mng čư̆ siăng kriang pơtâo truh pơ kual ia rơsĭ. Amăng hơdôm anom bruă hơmâo pri thun anai, Anom bruă kual Dap Kơdư - Gong phun jua pơhiăp Việt Nam hơmâo 6 tơlơi čih hơmâo pri, hơmâo 1 pri A, 1 pri B, 2 pri C hăng 2 pri pơsur pran jua./.