VOV4.Jarai - Ƀrô hrơi ngă lơphet 97 thun Hrơi hră pơhing hơkrŭ Việt Nam, mơguah lơ 21/6, ƀơi plơi prong Buôn Ma Thuột, Khul ƀơk pri hră pơhing phrâo tơring čar Dak Lăk hơmâo pơphun “Ƀơk pri hră pơhing phrâo tơring čar Dak Lăk tal 2 thun 2021”. Pri hră pơhing phrâo tơring čar Dak Lăk thun anai hơmâo 155 tơlơi pơhing mơng hơdôm grup čih tơlơi pơhing, mơnuih čih tơlơi pơhing mơng hơdôm anom bruă pôr pơhing ƀơi tơring čar hăng gơnong dlông dŏ ƀơi tơring čar gum pơplông djŏp tơlơi pôr pơhing anun lĕ Pôr jua pơhiăp, pơdah rup, Hră pơhing in, Hră pơhing điện tử hăng Hră pơhing rup. Khul mơnuih čih hră pơhing phrâo tơring čar Dak Lăk hơmâo ruah mă 52 tơlơi čih klă hloh či brơi pri, hơmâo 4 pri A, 8 pri B, 18 pri C hăng hơdôm pri pơtrut pơsur pran jua.

Ƀing čih hră pơhing hơmâo pri A Hră pơhing Dak Lăk

Ơi Nguyễn Văn Phú - Khua Khul mơnuih čih hră pơhing phrâo Dak Lăk pơsit, hơdôm tơlơi pơhing ba pơplông thun anai lêng klă soh, hơmâo lăi glăi sit djŏp bruă gah kơđi čar, bơwih ƀong, gru grua boh thâo, mơnuih mơnam ƀơi Dak Lăk. Biă ñu thun anai VOV Dap Kơdư jing sa amăng hơdôm anom bruă pơplông hăng lu hơdră pôr pơhing, laih anun hơmâo mă 7 pri, amăng anun hơmâo 1 pri A, 1 pri B hăng 2 pri C.

Siu H’Mai: Pơblang