Amăng hrơi mông boh thâo ia rơgơi 4.0 hlăk đĭ kyar kơtang, pơplih yua mrô jing phun akha yôm biă đah mơ̆ng pơđĭ tui bruă wai lăng Kơnuk kơna, pơplih klă anih anom ngă hră pơ-ar hăng djru đĭ kyar bơwih ƀong huă mơnuih mơnam. Bruă mă yua boh thâo mrô amăng anom bruă kơnuk kơna wai lăng ƀu kơnong ngă klă hloh bruă mă mơ̆ng hơdôm anom bruă Kơnuk kơna đôč ôh, ăt ngă amuñ brơi anom bơwih ƀong hăng ană plơi dưi tŭ mă tơlơi bơwih brơi.

Ƀơi mông jơnum, ơi Phạm Mạnh Hùng - Kơ-iăng khua Gong phun jua pơhiăp dêh čar Việt Nam lăi, pơplih boh thâo mrô pok rai tơlơi gêh gal kơtưn đĭ kơtang hloh, djru akŏ pơdong glăi tơlơi bơwih ƀong, pơplih hơdră wai lăng mơnuih mơnam hăng pơđĭ tui boh tŭ yua bơwih brơi mơnuih ƀôn sang, anom bơwih ƀong. Biă ñu anom bruă kơnuk kơna hăng tơlơi gơgrong ba jơlan glăk dong ƀơi anăp tơlơi kiăng pơplih phrâo, mă bruă hăng boh thâo mrô, dưi mă bruă kiăo tui tơlơi pơplih rơnuk phrâo đah mơ̆ng pơtrut tañ rơnoh đĭ kyar bơwih ƀong huă mơnuih mơnam.