Klah čun ƀơi mông jơnum, yă Trương Thị Mai lăng yôm bruă mă mơ̆ng djop anom bruă, khul ping gah, anom bruă mơnuih tơpuôl, ƀirô git gai amăng anom bruă ping gah dêh čar thun 2023 hơmâo ngă bruă tong ten hur har prăp lui hơdôm kơčăo bruă, hră lăi pơthâo dưi hơmâo pơpha mă bruă mơ̆ng Ding jum kơđi čar, Khul git gai ping gah pơtrun ba glăi boh tŭ yua klă, hơdôm hră lăi pơthâo hlăk tui ngă lăp djơ̆ hăng anŏ kiăng.

Thun 2024, djă pioh pơđĭ tui boh tơhnal tŭ yua anun, pơsir hĭ anŏ aka ƀu lăp, yă Trương Thị Mai pơtrun hiăp djop sang bruă, khul grup ping gah, mơnuih tơpuôl amăng anom bruă ping gah dêh čar kơtưn hloh amăng bruă mă, dăp hơdră hlâo pơphun ngă tui djop kơčăo bruă mơ̆ng Ding jum kơđi čar, Khul git gai ping gah jao, pơtum ĕp lăng, prăp lui čih pơkra dăp hơdră djop kơčăo bruă, lăi pơthâo tui bruă mă hơmâo pơpha laih; hơdôm kơčăo bruă tơnap, gleh glar, ječ ameč aka ƀu pơsir mơ̆ng thun hlâo kiăng pơsir khut khăt đut tơhnal kah hăng akŏ bruă hơmâo jao khom giong.