Hră pơhing Nhân Dân rơnuč rơwang hrơi tơjuh (Anăn blung a lĕ Nhân Dân hrơi tơjuh) jing hră pơhing rơnuč rơwang hrơi kŏm blung a mơ̆ng hră pơhing ngă hơkrŭ Việt Nam. Amăng 35 thun rơgao, hră pơhing kiăo tui tơlơi git gai, črâo bruă mơ̆ng sa hră pơhing Ping gah nao hrŏm hăng tơlơi pơplih phrâo, hơdră pôr pơhing phrâo đah mơ̆ng djơ̆ hăng jơlan đĭ kyar, hơmâo gru grua phara, pơsit tơlơi rơgơi, apăn bruă hăng jơlan nao djơ̆ lăp, tŭ yua...

Pơpŭ kơ hơdôm boh than hơmâo ngă amăng 35 thun rơgao mơ̆ng Hră pơhing Nhân Dân rơnuč rơwang hrơi tơjuh, yă Trương Thị Mai kiăng amăng hrơi blan pơ anăp, hăng tơlơi gơgrong bruă yôm phara mơ̆ng pô, Hră pơhing Nhân Dân kiăng mă bruă gir hloh dong amăng bruă pôr pơthâo tơlơi pơtrun mơ̆ng Ping gah, lăi pơthâo hơdôm bruă hmư̆ hing, râu mơdưh pran jua khăp kơ lŏn ia, pran kjăp kơtang gum pơgôp djuai ania, djru akŏ pơdong lŏn ia pơdrong sah yâo mơ-ak, pơđĭ tui rup kơdrưh mơ̆ng Việt Nam ƀơi jar kmar.