VOV4.Jarai -  Amăng lơ 5/10, amăng tơlơi pơhiăp pok phun Jơnum lok 4 Grŭp mă bruă Ping gah dêh čar ta tal 13, Khua git gai Ping gah dêh čar ta ơi Nguyễn Phú Trọng hmâo lăi nao sa dua tơlơi bơwih ƀong – mơnuih mơnam thun 2021-2022.

Jơnum lok 4 Grŭp mă bruă Ping gah dêh čar ta tal 13 glăk pơphun ƀơi plơi prong Hà Nội

Rơgao kơ anun brơi ƀuh, tơlơi pơhing pơdah rơđah mơng Ping gah hăng Kơnuk kơna lĕ ba tơbiă dong tơhnal pơhlôm ƀơi anăp klin Covid-19; pơhlôm tơlơi bơwih ƀong, tơlơi suaih pral mơng mơnuih ƀôn sang; hrom hrom hăng anun lĕ ba tơbiă bruă kiăng hơkrŭ glăi hăng pơđĭ kyar bơwih ƀong amăng hơdôm blan dô̆ glăi mơng thun hăng kơčăo bruă kơ thun 2022 pơ̆ anăp. Hăng tơlơi git gai khŏp, kơđiăng, ba tơbiă lu jơlan pơsir djơ̆ pioh kơ rim tal mơng Ping gah, Kơnuk kơna, Gong gai, tơlơi bơwih ƀong – mơnuih mơnam 9 blan rơgao hmâo laih sa dua bôh tơhnal klă. Yap hrom 9 blan, bruă bơwih ƀong huă, sĭ mơdrô ăt dưi djă pioh mơn. Sa dua gru rơđah mơng bruă bơwih ƀong lĕ đĭ prăk čan hmâo 7,17%, djru klă kơ pơđĭ kyar bơwih ƀong 9 blan thun 2021. Abih bang rơnoh iâu pơhrui prăk ƀơi anih bơwih ƀong hră prăk kơ tơlơi bơwih ƀong huă đĭ 12%./.

Siu H’ Prăk: Pô pơblang