VOV4.Jarai - Hơdôm anom pôr pơhing pơprong mơng dêh čar Japan pôr lom lơ 22/11 kah hăng Mainichi, Nikkei, Jiji… ha amăng plĕ pôr tơlơi pơhing tal nao čuă dêh čar Japan mơng Khua dêh čar ta ơi Phạm Minh Chính pơphun mơng lơ 22-25/11. Hră pơhing Mainichi lăi rơđah Khua dêh čar ta ơi Phạm Minh Chính lĕ tuai mơng lŏn ia blung a rai čuă Japan yap mơng gong gai Khua dêh čar ơi Kishida Fumio sit nik đĭ apăn bruă. Tal nao čuă kiăng pơplih bruă gum hrom dua bơnah amăng lu bruă kah hăng tơlơi rơnuk rơnua, bơwih ƀong... anăp nao ngă tui kual Ấn Độ-Thái Bình Dương mơ-ak klă hăng pơhư prong. Amăng tal nao čuă anai, lơ 24/11, Khua dêh čar ta ơi Phạm Minh Chính amra bơkơtuai hăng Khua dêh čar Japan ơi Kishida Fumio, bơkơtuai hơdôm jơlan pơlir hơbit đơ đam rŏng lŏn tơnah, pơhư prong bruă pơkiăo nao mơnuih pơhrăm bruă mơng Việt Nam mă bruă ƀơi Japan, tơlơi jar kơmar amăng anun hmâo tơlơi ƀơi kual Ia Rơsĭ Ngŏ hăng Hoa Đông./.

Siu H’ Prăk: Pô pơblang