VOV4.Jarai - Khua mir sir ơi Nguyễn Xuân Phúc phrâo hơmâo hră pơsit kơ bruă ƀơk gơnam brơi ƀing mơnuih djru hơkrŭ amăng bơyan čơkă thun phrâo Nhâm Dần thun 2022. Tui anun, rơnoh anung gơnam hăng nua ñu 600 rơbâo brơi ƀing mơnuih djru hơkrŭ, hơmâo ƀing mơnuih djru ngă hơkrŭ hlâo lơ 1/1/1945 glăk tŭ mă prăk djru rĭm blan; Ƀing mơnuih djru hơkrŭ mơng lơ 1/1/1945 truh pơ hrơi tơgŭ hơkrŭ blan 8 thun 1945 glăk tŭ mă prăk djru rĭm blan: ƀing amĭ Việt Nam sông kơtang glăk tŭ mă prăk djru rĭm blan; Tơhan sông kơtang, ƀing ba gru amăng bơwih ƀong amăng rơnuk blah wang glăk tŭ mă prăk djru rĭm blan, Tơhan rơka, ƀing mơnuih glăk djru kar hăng tơhan rơka rơkač, tơhan ruă kă mrô B, ƀing tơhan rơka mơng 81% glăk tŭ mă prăk djru rĭm blan …Ƀing sang anŏ tơhan glăk hơmâo kơnuk kơna djru ba  rĭm blan hăng ƀing sang anŏ tơhan djai pơsăn drơi, amra ƀơk anung gơnam nua ñu 600 rơbâo prăk. Bơ rơnoh gơnam 300 rơbâo brơi kơ ƀing mơnuih djru hơkrŭ pơkŏn.

Siu Đoan: Pơblang